Triq Is-Sebgħa

Overview

Kull protagonist, li jgħix fi Triq Is-Sebgħa, huwa ħati li wettaq wieħed mis-seba’ dnubiet mejta. Minbarra t-tema tas-seba’ dnubiet mejta u l-post komuni, l-istejjer huma marbuta billi jsegwu r-ritwali Malti li permezz tiegħu statwa ta’ Marija Mqaddsa tgħaddi minn dar għal dar, ġimgħa wara ġimgħa. Kull darba li l-istatwa tidħol f’dar partikolari se ssegwi l-istorja ta’ dawk il-karattri. Karattri minn stejjer differenti se jiltaqgħu, għalhekk filwaqt li xi ħadd jista’ jkun protagonist ewlieni fi storja waħda, l-istess persuna hija karattru sekondarju fl-istorja ta’ xi ħadd ieħor.