Taskmaster Ísland

Í fyrsta þætti af Taskmaster Ísland kynnumst við þeim fimm keppendum sem takast á um titilinn Taskmaster Íslands. Keppendur seríunnar eru Edda Björgvinsdóttir, Sigurður Þór Óskarsson, Snjólaug Lúðvíksdóttir, Sverrir Þór Sverrisson og Vilhelm Netó. Keppnir þáttarins voru bæði fjölbreyttar og krefjandi: besti hluturinn sem gengur fyrir rafhlöðu, slökkva á kerti og tekist á við blinda blöðruþraut.

Í öðrum þætti taka Edda, Siggi, Snjólaug, Sveppi og Villi þátt í afturábak hópakeppni og keppa sín á milli m.a. í feluleik og samlokugerð.

Í þriðja þætti etja keppendur kappi í fjölbreyttum og fyndnum þrautum sem fela í sér kleinuhringi, handabönd, klukkur og þyngdarmælingu

Hvaða keppandi á skrýtnustu myndina af sjálfum sér? Það kemur í ljós í fjórða þætti af Taskmaster Ísland. Þá fylgjumst við einnig með táraflóði og handaböndum í keppnum dagsins.

Allir elska Ara, en hversu mikið? Áskriftir geta verið bæði góðar og slæmar, en hver reynist sú besta? Þetta og fleira kemur í ljós í fimmta þætti af Taskmaster Ísland.

Í sjötta þætti af Taskmaster Ísland fylgjumst við með hópakeppni sem m.a. felur í sér skeiðar. Þá kemur í ljós hver hryllilegasti hluturinn í eldhúsinu er, og hver á mögnuðustu textasmíðina?

Banani í flösku, krúttlegasti hluturinn og púlsinn á Jóa þetta og fleira kemur við sögu í sjöunda þætti af Taskmaster Ísland.

Í áttunda þætti af Taskmaster Ísland má ekki blikka, keppendur kanna hvert er besta hljóðið og það þarf að pakka fyrir fríið.

Í níunda þætti af Taskmaster Ísland rústa Edda, Siggi, Snjólaug, Sveppi og Villi köku, sýna fallegasta heimagerða hlutinn og leggja í stigaleit.

Í tíunda þættinum kemur í ljós hver á glæsilegasta skyldmennið, keppendur taka þátt í hópakeppni í blindakstri, frægur leynigestur mætir ...og hver vinnur titilinn Taskmaster Íslands 2026.