Fólk eins og við

Magnea H. Örvarsdóttir er tískuviti og listakona. Hún býr í búsetuúrræði eftir að hafa verið á götunni í nokkur ár. Magnea er að skipuleggja sína fyrstu listasýningu. Við fáum að fylgjast með ferlinu og kynnumst Magneu betur, hennar dýrmætustu minningum, og hverju henni þykir vænst um.

Inga er tveggja barna móðir sem kom sér af götunni fyrir nokkrum árum og hefur átt gott líf síðan. Í dag berst Inga fyrir málefnum heimilislausra og vímuefnanotenda, með eigin reynslu að vopni. Í þættinum fáum við að kynnast hefðbundnu lífi Ingu í dag, hvernig það var á götunni, og hvað skiptir mestu máli þegar öllu er á botninn hvolft.

Davíð er vegglistamaður, húðflúrari og pabbi. Davíð er ástríðumaður sem lætur fátt stoppa sköpunarkraftinn. Áhorfendur fá að fylgja honum í sinni sköpun á meðan hann segir sögur úr sínu lífi. Davíð stefnir á að komast í skaðaminnkandi meðferð, til að komast í öruggt húsnæði og geta hitt dóttur sína aftur.

Ragnar hefur vakið athygli fjölmiðla fyrir baráttu sína gegn heimilisleysi. Ragnar hefur lagt allt sitt í þá baráttu. Hann dreymir um að komast að rót vandans og eyða heimilisileysi fyrir fullt og allt. Ragnar er andlega þenkjandi og á fleiri verkfæri en fjölmiðlana til að ná þessu markmiði. Áhorfendur fá sýnishorn af Ragnari að nota þessi andlegu verkfæri.