Draugasögur

Katrín og Stefán létu læsa sig inni í Höfða í tólf klukkustundir og sýna frá dvölinni þar sem þau fullyrða að þau hafi staðfest að draugagangur sé í Höfða. Í gegnum tíðina hefur því oft verið fleygt fram að draugagangur sé í húsinu, en er þetta líklegast í fyrsta sinn sem einhver telur sig hafa sannanir um tilvist hins yfirskilvitlega í húsinu.

Margir gestir Byggðasafnsins í Görðum á Akranesi og starfsfólk hafa upplifað allskonar óhuggnaleg atvik sem ekki er hægt að skýra með eðlilegum hætti. Atburði sem hafa hrætt fólk svo mikið að það hefur aldrei stigið fæti þangað inn aftur. Haldið er á Byggðasafnið í Görðum á Akranesi í lítið hús sem heitir Neðri Sýrupartur í öðrum þætti Draugasagna á Hringbraut. Í þætti kvöldsins fara Katrín og Stefán út fyrir borgarmörkin og fjalla um hús sem annálað er fyrir reimleika og sýna áhorfendum ótrúleg sönnunargögn sem þau telja sig hafa fundið.

Í sjónvarpsþættinum Draugasögur í kvöld svara Katrín og Stefán neyðarkalli frá fjölskyldu, sem gat ekki lengur búið við alvarlega ásókn á heimili þeirra. Svo mikla að börnin þorðu ekki að sofa í sínum eigin herbergjum. Vegna hagsmuna fjölskyldunnar og til að vernda einkalíf þeirra, þá einkum vegna barnanna. Verður ekki hægt að greina frá hvar á landinu þáttur kvöldsins fer fram, og ber því málið sem sýnt verður frá í kvöld einungis heitið Hús númer 12.